काठमाडौं। नेपाल टेलिकमले सेयरधनीलाई ३० प्रतिशत लाभांश दिने भएको छ।
कम्पनीको सञ्चालक समितिको मंगलबार बसेको बैठकले सेयरधनीलाई गत आर्थिक वर्षको मुनाफाबाट चुक्ता पुँजीको ३० प्रतिशत नगद लाभांश दिने निर्णय गरेको हो।
अर्थ मन्त्रालयको स्वीकृति र टेलिकमको साधारण सभाले पारित गरेपछि सेयरधनीले लाभांश पाउनेछन्। टेलिकमले १८औं वार्षिक साधारण सभा पुस ३० गतेका लागि तय गरेको छ।
कम्पनीले साधारण सभा प्रयोजनका लागि २० गतेदेखि ३० गतेसम्म बुक क्लोज मिति तोकेको छ। पुस १९ गतेसम्म कायम सेयरधनीले लाभांश पाउनेछन्।
