काठमाडौं। जिल्ला प्रहरी कार्यालय धनुषाले भदौ ४२ गते लोकसेवा आयोगको कार्यालय जलाउनेलाई पक्राउ गरेको छ। विभिन्न फुटेजको विश्लेषणपछि प्रहरीले जनकपुरधाम-९ बस्ने मनिषकुमार अधिकारी र सन्तोषकुमार यादवलाई पक्राउ गरेको हो।

उनीहरुका साथबाट एउटा एसएलआर राइफल र ५० राउण्ड गोली बरामद भएको छ। जेनजी आन्दोलन चर्किएको मौकामा गत मंगलबार बेलुका ७ बजेतिर ५०/६० जनाको संख्यामा आएको समूहले कार्यालयमा पसेर ४ वटा गाडी, ४ मोटरसाइकलसँगै तोडफोड र आगजनी गरेका थिए। कार्यालयमा पनि विध्वंस गरेका थिए।

कार्यालयमा सुरक्षार्थ खटिएको नेपाल प्रहरीको एसएलआर लुटेका थिए। उक्त समूहको भिडियो फुटेजबाट दुवैको पहिचान खुलेको हो। दुवैलाई पक्राउ गर्दा हतियार र गोली पनि बरामद भएको प्रहरीले जनाएको छ।