काठमाडौं। अधिकांश वाणिज्य बैंकहरूले असार महिनाका लागि मुद्दतीको ब्याजदर यथावत राखेका छन्। जेठ महिनाको तुलनामा असार १ गतेदेखि लागू हुने ब्याजदर यथावत राखिएको हो।

असारका लागि १५ वाणिज्य बैंकहरुले मुद्दती निक्षेपको अधिकतम ब्याजदर यथावत राखेका छन्। एभरेष्ट र एनआइसी एसिया, कुमारी, एनएमबि र कृषि विकास बैंकले मुद्दती निक्षेपको ब्याजदर घटाएका छन्।

असारका लागि पनि एनआईसी एसिया बैंक र एभरेष्ट बैंकको मुद्दतीको अधिकतम ब्याजदर सबैभन्दा धेरै ६.५५ प्रतिशत छ। कममा कृषि र नेपाल बैंकको ५.४५ प्रतिशत छ।

आर्थिक गतिविधि बढ्न नसकेर कर्जाको माग नभएपछि गत वर्षको असोजदेखि नै बैंकहरूले निक्षेपको ब्याजदर घटाउँदै आएका छन्।

कुन बैंकको ब्याजदर कति?