काठमाडौं । लाइफ इन्स्योरेन्सले नाफा बढाउँदा अधिकांश निर्जीवन बीमा कम्पनीको मुनाफा भने घटेको छ। चालु आर्थिक वर्ष ९ महिनामा १४ जीवन बीमा कम्पनीले ४ अर्ब ८८ करोड ७३ लाख रुपैयाँ खुद नाफा आर्जन गरेका छन्।

लाइफ इन्स्योरेन्सले आर्जन गरेको मुनाफा पोहोर चैतको तुलनामा ११.९३ प्रतिशत धेरै हो। कम्पनीहरुले गत वर्ष तेस्रो त्रैमाससम्म ४ अर्ब ३६ करोड ६२ लाख रुपैयाँ नाफा कमाएका थिए।

सन नेपाल र राष्ट्रिय जीवन बीमा बाहेक सबै कम्पनीले मुनाफा बढाएका छन्। नेपाल लाइफ इन्स्योरेन्सले सबैभन्दा धेरै ६५ करोड २२ लाख रुपैयाँ मुनाफा कमाएको छ।

दुई आर्थिक वर्षको ९ महिनामा जीवन बीमा कम्पनीले आर्जन गरेको मुनाफा(रु हजारमा)

निर्जीवन बीमा कम्पनीको व्यवसायमा भने धक्का लागेको छ। गत असोजमा आएको बाढी पहिरोका कारण उच्च दाबी आउँदा निर्जीवन बीमा कम्पनीको नाफा घटेको हो।

चालु वर्ष चैतसम्म कम्पनीहरुले २ अर्ब ४१ करोड रुपैयाँ नाफा कमाएका छन्। कम्पनीहरुले आर्जन गरेको मुनाफा पोहोर सोही अवधिको तुलनामा ५४.४५ प्रतिशत कम हो।

इन्स्योरेन्सले गत वर्ष चैतसम्म ५ अर्ब २९ करोड रुपैयाँ नाफा कमाएका थिए।

दुई आर्थिक वर्षको ९ महिनामा निर्जीवन बीमा कम्पनीले आर्जन गरेको मुनाफा (रु हजारमा)

शिखर र सानिमा जीआईसी बाहेकका इन्स्योरेन्सको नाफामा गिरावट आएको छ। सानिमा जीआईसीले १६.२१ प्रतिशतले मुनाफा वृद्धि गरेको छ भने शिखर इन्स्योरेन्सले १.७९ प्रतिशतले बढाएको छ।

सिद्धार्थ प्रिमियम इन्स्योरेन्सले सबैभन्दा धेरै ४५ करोड ३६ लाख रुपैयाँ नाफा कमाएको छ। ओरियन्टल र नेसनल इन्स्योरेन्स नोक्सानीमै गएका छन्।