काठमाडौं। सुनको भाउ सोमबार बढेर हालसम्मकै उच्च मूल्य कायम भएको छ। कारोबार मूल्य प्रति तोला १ लाख ९१ हजार रुपैयाँ पुगेको हो।
साताको पहिलो दिन सुनको भाउ गत शुक्रबार कायममा स्थिर थियो। त्यसमा १ हजार २ सय रुपैयाँ बढेर साताको दोस्रो दिन सर्वाधिक उच्चको कीर्तिमान बनाएको नेपाल सुनचाँदी व्यवसायी महासंघले जनाएको छ।
साताको पहिलो दिन सुनको मूल्य प्रति तोला एक लाख ८९ हजार ८ सय रुपैयाँमा कारोबार भएको थियो। गत बिहीवार १ लाख ९० हजार ६ सय रुपैयाँ पुगेको सुन शुक्रबार ८ सय रुपैयाँ घट्दा तोलाको १ लाख ८९ हजार ८ सय रुपैयाँ भएको थियो।
चाँदीको मूल्य सोमबार प्रति तोला १ हजार ९ सय ६० रुपैयाँमा स्थिर छ।
अन्तर्राष्ट्रिय बजारमा सुनको मूल्य गत शुक्रबारदेखि स्थिर रहेर कारोबार भइरहे पनि स्थानीय बजारमा बढेको छ। सोमबार सुन प्रति औंस ३३१५.१३ डलर र चाँदी प्रतिऔंस ३२.४ डलरले कारोबार भइरहेको छ।
