काठमाडौं। मितेरी डेभलपमेन्ट बैंकले नाफा बढाएको छ। चालु आर्थिक वर्षको तेस्रो त्रैमाससम्म बैंकको नाफा ३५.४० प्रतिशतले बढेको हो। चैत मसान्तसम्म बैंकले ९ करोड २४ लाख रुपैयाँ खुद नाफा गरेको छ। पोहोर ९ महिनामा बैंकको नाफा ६ करोड ८२ लाख रुपैयाँ थियो।
ब्याज आम्दानी घटेपनि बैंकले कर्जा नोक्सानी कम हुँदा नाफा बढाउन सफल भएको हो।
९ महिनामा बैंकको ब्याज आम्दानी ३१.४३ प्रतिशतले घटेर १३ करोड २६ लाखमा खुम्चिएको छ। पोहोर ९ महिनामा लघुवित्तको ब्याज आम्दानी १९ करोड ३४ लाख रुपैयाँ थियो।
चैत मसान्तसम्म बैंकले २१ लाख ४८ हजार रुपैयाँ कर्जा नोक्सानी गरेको छ। पोहोर सोही अवधिमा यस्तो नोक्सानी वापत २ करोड ६३ लाख छुट्याएको थियो।
साथै बैंकको खराब कर्जा २.६३ प्रतिशतबाट घटेर ०.७८ प्रतिशतमा झरेको छ। बैंकको वितरणयोग्य नाफा १० करोड ८३ लाख रुपैयाँ छ। बैंकको प्रतिशतसेयर आम्दानी १०.१३ रुपैयाँ र प्रतिसेयर नेटवर्थ १३८ रुपैयाँ रहेको छ।
