लुटपाट गर्ने भीडविरुद्ध प्रतिकार गरेका सुरक्षा गार्डलाई भाटभटेनीको ५ लाख पुरस्कार

बिजमाण्डू
२०८१ चैत्र २० गते ११:१३ | Apr 2, 2025
लुटपाट गर्ने भीडविरुद्ध प्रतिकार गरेका सुरक्षा गार्डलाई भाटभटेनीको ५ लाख पुरस्कार


काठमाडौं। भाटभटेनी सुपरस्टोरले कोटेश्वरस्थित आउटलेटमा तोडफोड र लुटपाट गरिरहेको भीडविरुद्ध प्रतिकार गर्ने सुरक्षा गार्डलाई नगदसहित सम्मान गरेको छ।

Tata
GBIME
NLIC

गत चैत १५ गते शुक्रबार तीनकुनेमा भएको राजावादी प्रदर्शनपछि तितरवितर भएको अराजक भीडले कोटेश्वरस्थिट भाटभटेनी सुपरस्टोरमा तोडफोड र लुटपाट गरेको थियो। उक्त भीडविरुद्ध सुरक्षा गार्ड कृष्ण प्रसाद पराजुलीले प्रतिकार गरेको छ।

भाटभटेनीले बुधबार पराजुलीलाई ५ लाख १ हजार १ सय ११ रुपैयाँ नगदसहित सम्मान गरेको हो। स्टोरमा तोडफोड र लुटपाट हुँदा आफ्नो कर्तव्य निर्वाह गर्दै अग्रपंक्तिमा खटिएका कर्मचारीलाई सम्मान गरिएको भाटभटेनीले जनाएको छ।

भाटभटेनीले अन्य सुरक्षा गार्डहरूलाई २५ हजार रुपैयाँ पुरस्कार दिएको छ। व्यापार व्यवसायलाई निरन्तरता दिन रातभर मर्मत सम्भारको काममा खटिएका अन्य कर्मचारीहरूलाई पनि सम्मान गरेको छ।