काठमाडौं। सानिमा बैंकले लाभांश घोषणा गरेको छ। मंगलबार बसेको बैंकको सञ्चालक समिति बैठकले सेयरधनीलाई नगद लाभांश वितरण गर्ने निर्णय गरेको हो।
आर्थिक वर्ष २०८०/८१ को मुनाफाबाट सानिमाका सेयरधनीले करसहित ५.२६ प्रतिशतले हुन आउने ७१ करोड ४८ लाख २२ हजार रुपैयाँ प्रतिफल पाउनेछन्।
नेपाल राष्ट्र बैंकमा स्वीकृतिको र बैंकको साधारण सभाबाट पारित भएपछि सेयरधनीले लाभांश पाउनेछन्। सानिमाले गत वर्ष २ अर्ब ३८ करोड १९ लाख रुपैयाँ खुद नाफा कमाएको थियो। बैंकको हाल चुक्ता पुँजी १३ अर्ब ५८ करोड १५ लाख रुपैयाँ छ।
बैंकले २०७९/८० मा ५.७ प्रतिशत नगद लाभांश र ९ प्रतिशत बोनस सेयर वितरण गरेको थियो। त्यस्तै, २०७८/७९ मा १० प्रतिशत बोनस सेयर वितरण गरेको थियो।
