काठमाडौं। ग्लोबल आइएमई बैंकले बाजुराको बडीमालिका नगरपालिकामा उद्यमशीलता प्रवर्धनका लागि सहयोग गर्ने भएको छ।
बैंकले उद्यमशीलता प्रवर्धनका लागि नगरपालिकाभित्रका उद्यमीलाई सरल र सहजरुपमा कर्जा प्रवाह गर्ने भएको हो। यस सम्बन्धमा बैंकले नगरपालिकासँग सम्झौता गरेको छ।
सम्झौता पत्रमा सोमबार बैंकका नायव प्रमुख कार्यकारी अधिकृत सुमन पोखरेल र नगरपालिकाका प्रमुख अमरबहादुर खड्काले हस्ताक्षर गरे।
सम्झौता अनुसार बैंकले पालिका भित्रका कृषक, कृषि उद्यमी, कृषि फर्म तथा कृषि कर्ममा स्वरोजगार बन्न चाहनेहरुलाई सरल र सहजरुपमा कर्जा प्रवाह गर्नेछ। यसबाट उद्यमशिलता र स्वरोजगार प्रवर्धन हुने बैंकको विश्वास छ।
