काठमाडौं। सिटिजन लाइफ इन्स्योरेन्सले लाभांश घोषणा गरेको छ। आइतबार बसेको कम्पनीको सञ्चालक समिति बैठकले सेयर प्रिमियम रकमबाट बोनस सेयर लाभांश दिने निर्णय गरेको हो।
कम्पनीले २६.९८ प्रतिशत बोनस सेयर र कर प्रयोजनका लागि १.४२ प्रतिशत नगद लाभांश वितरण गर्ने प्रस्ताव गरेको छ।
प्रस्तावित लाभांश नियामक नेपाल बीमा प्राधिकरण र कम्पनीको आगामी वार्षिक साधारण सभाले पारित गरेपछि वितरण हुनेछ।
सिटिजनको हाल चुक्ता पुँजी ३ अर्ब ९३ करोड ७५ लाख रुपैंया छ। बोनस सेयर पश्चात कम्पनीको चुक्ता पुँजी ४ अर्ब ८१ करोड २५ लाख रुपैयाँ पुग्नेछ।
