काठमाडौं। डिजिटल वालेट आइएमई पेले अन्तर्राष्ट्रिय हवाई टिकट खरिद गर्नेलाई लक्षित गर्दै ‘जेट सेट रिवार्ड’ नामक अफर ल्याएको छ । यो  अफर अन्तर्गत आइएमई पे एपमार्फत अन्तर्राष्ट्रिय हवाई टिकट खरिद गर्दा हवाई टिकटमा शतप्रतिशत क्यासब्याक साथै अन्य पुरस्कार जित्ने मौका पाउने कम्पनीले जनाएको छ।

चैत ६ गतेदेखि जेठ सम्म तीन महिनाको लागि चल्ने सो अफरका ३ जना विजेताको नाम आइएमई पेको सामाजिक सन्जालमा सार्वजनिक गरिने बताइएको छ। पहिलो विजेताले आफ्नो हवाई टिकट खरिद गरेको रकमको शतप्रतिशत क्यास ब्याक पाउने कम्पनीले जनाएको छ। यस्तै, दोस्रो हुनेल द लेकसाइड रिट्रिट (पोखराको प्याकेज जित्न सक्ने छन्) भने तेस्रो हुनेले चन्द्रागिरी हिल्स रिजोर्टको प्याकेज जित्ने छन्।  

आइएमई पेमार्फत टिकट खरिद गर्ने ग्राहकहरुले हरेक हवाई टिकटमा उच्चतम रिवार्ड पोइन्ट पाउने छन्।