काठमाडौं। गत साता लगातार तीन दिन बढेको सेयर बजार परिसूचक यो साता पहिलो दिन १०.५० अंकले घटेको छ। विकास बैंक, जलविद्युत र म्युचुअल फण्ड बाहेकका बाँकी उपसमूहले नेप्से २०८२.८२ विन्दुमा ओरालेका हुन्।

९१ कम्पनीका लगानीकर्ताले कमाउँदा १४८ कम्पनीको सेयर मूल्य घटेको छ। एनआईसी एसिया ग्रोथ फण्ड-२ मा नकारात्मक सर्किट लागेको छ। यस्तै युनिलिभर नेपालका लगानीकर्ताले ७.१४ प्रतिशत अर्थात प्रति कित्ता २,९५० रुपैयाँ गुमाएका छन्। यो कम्पनीको सेयर मूल्य प्रति कित्ता ३८ हजार ३५० रुपैयाँ छ।

समाज लघुवित्त र कुथेली बुखरी हाइड्रोपावरको सेयर मूल्य भने सर्किट लागेर बढेको छ। बजारमा ४ अर्ब ८ करोड ५६ लाख रुपैयाँको सेयर किनबेच भएको छ। त्यसमध्ये ६२ करोड ४७ लाखको सेयर हिमालयन रि इन्स्योरेन्सको हो।