काठमाडौं। संघीय संसद्को हिउँदे अधिवेशन माघ २२ गते सुरु हुन लागेको पृष्ठभूमिमा संसद् सचिवालयका पदाधिकारीले बुधबार संसद् भवन निरीक्षण गरेका छन्।
सचिवालयका पदाधिकारीले प्रतिनिधि सभा र राष्ट्रिय सभा बैठक कक्षको निरीक्षण गरेका हुन्।
संसद् भवन परिसरदेखि दुवै सदनमा अहिले सरसफाइको काम चलिरहेको छ।
संसद् बैठक तीन महिनापछि बस्न लागेको हो। संसद्को वर्खे अधिवेशन गत कात्तिक १६ गते अन्त्य भएको थियो।
प्रधानमन्त्री पुष्पकमल दाहाल ‘प्रचण्ड’ले मंगलबार सदनमा पेस गर्ने विधेयकको तयारीबारे कानुन मन्त्रालयका अधिकारीलाई बोलाएर छलफल गरेका थिए।
