काठमाडौं। टाटाले इन्धन गाडी पन्च सार्वजनिक गरेको छ। टाटाको आधिकारिक बिक्रेता सिप्रदी ट्रेडिङले नाडा अटो शो मा उक्त गाडी सार्वजनिक गरेको हो। यसको सुरुवाती मूल्य ३३ लाख ९९ हजार र टप भेरियन्टको मूल्य ४३ लाख ४९ हजार रुपैयाँ तोकिएको छ।
पन्चमा १.२ लिटर थ्रि सिलिण्डर पेट्रोल इन्जिन छ। उक्त इन्जिनले अधिकतम ८६ बीएच पावर र ११३ एनएम टर्क प्रदान गर्छ। यसमा ५ स्पीड म्यानुयल र एएमटी गियरबक्स छ। यस्तै १८७ मिलिमिटरको ग्राउन्ड क्लियरेन्स छ।
निकै बाक्लो बडी क्लाडिङ, स्क्वायर अफ ह्वील आर्क, एलइडी टेलल्याम्प, हर्मनको ७ इन्च इन्फोटेन्टमेन्ट सिस्टम, ९० डिग्रीमा खुल्ने ढोका, १६ इन्चको डायमन्ड कट अलोय ह्वील, अटोमेटीक क्लाइमेट कन्ट्रोल, रेन सेन्सिङ वाइपर जस्ता फिचर यसमा छन्।
रिभर्स क्यामेरा, व्याक सेन्सर, पुस बटम स्टार्ट/स्टप बटम, दुई एयरब्याग, एबीएस, इबीडी, ब्रेक एसवे कन्ट्रोल, इएससी, क्रुज कन्ट्रोल, अटो फोल्डिङ ओआरभीएम, लेदर र्याप स्टेरिङ ह्वील फिचरले पन्चलाई प्रिमियम बनाएको छ।
