काठमाडौं। नेपाली कांग्रेसले महासमिति बैठकको मिति तय गरेको छ। केन्द्रीय समिति बैठकले मंसिरमा महासमिति बैठक गर्ने निर्णय गरेको हो।
‘आगामी मंसिर ११, १२ र १३ गते काठमाडौंमा हुने गरी महासमिति बैठक आह्वान गरिएको छ,’ केन्द्रीय कार्यसमितिको निर्णय सुनाउँदै महामन्त्री विश्वप्रकाश शर्माले भने।
कांग्रेसले नीति अधिवेशन भने नगर्ने भएको छ। १४ औं महाधिवेशनले ६ महिनाभित्र नीति अधिवेशन गर्ने निर्णय गरेको थियो। तर नीतिबारे अब महासमिति बैठकमै छलफल हुने महामन्त्री शर्माले बताए।
