एनसेलले तीन लाख रुपैयाँ नगदसहित ‘एनसेल वुमन आइकन आइसीटी अवार्ड’ प्रदान गर्दै

बिजमाण्डू
२०७९ पुष ६ गते १७:४२ | Dec 21, 2022
एनसेलले तीन लाख रुपैयाँ नगदसहित ‘एनसेल वुमन आइकन आइसीटी अवार्ड’ प्रदान गर्दै

काठमाडौं। महिलाहरूलाई सूचना प्रविधिको क्षेत्रमा प्रोत्साहन गर्न र उनीहरुले यस क्षेत्रमा पुर्‍याएको योगदानको सम्मान गर्न एनसेलले वुमन आइकन आइसीटी अवार्ड प्रदान गर्ने भएको छ।

Tata
GBIME

शुक्रबार द सोल्टी काठमाडौंमा आयोजना हुने नेपालकै प्रतिष्ठित आइसीटी अवार्डको ग्राण्ड फिनाले कार्यक्रममा एनसेलले सो अवार्ड प्रदान गर्ने भएको हो।

‘एनसेल वुमन आइकन आइसीटी अवार्ड’ विजेतालाई ३ लाख नगद पुरस्कार र सम्मानपत्र प्रदान गरिने जनाइएको छ।

एनसेलले विगत २ वर्षदेखि सूचना तथा सञ्चार प्रविधिको क्षेत्रमा लागेका महिलाहरूलाई सम्मान र उत्प्रेरित गर्न वुमन आइकन आइसिटी अवार्ड प्रदान गर्दै आएको छ।

गतवर्ष नेपालको पहिलो महिला कम्प्युटर इन्जिनियर गुणकेशरी प्रधान ‘एनसेल वुमन आइकन आइसिटी अवार्ड’बाट सम्मानित भएकी थिइन्।

महिलाहरुलाई सूचना प्रविधिको क्षेत्रमा प्रोत्साहन तथा उनीहरुले यो क्षेत्रमा पुर्याएको योगदानको कदर गर्न कम्पनीको विविधता, समानता र समावेशीकरण अर्थात डाइभर्सिटी, इक्विटी एन्ड इन्क्लुशन (डीईआई) नीति अनुरुप एनसेलले आइसिटी अवार्डमा आवद्ध भई यो अवार्ड प्रदान गर्दै आएको छ।

आउँदो पुस ८ गते द सोल्टी काठमाडौंमा सरकारी र निजी क्षेत्रका उच्च व्यक्तित्वहरूको सहभागितामा आइसीटी अवार्डको ग्राण्ड फिनाले हुँदैछ। सो फिनालेमा वुमन आइकन सहित १२ बढी विधामा आइसिटी अवार्ड वितरण गरिँदैछ।