सुनको मूल्य तोलामा एक हजार रुपैयाँले वृद्धि , प्रतितोला ९८ हजार रुपैयाँ नजिक पुग्यो





काठमाडौं। विवाहको सिजन सुरु भएपछि सुनको मूल्य एकै दिन तोलामा एक हजार रुपैयाँले वृद्धि भएको छ। नेपाल सुनचाँदी व्यवसायी महासंघका अनुसार बिहीबार सुन प्रतितोला ९७ हजार ८ सय रुपैयाँ निर्धारण भएको छ। 



बुधबार सुन तोलामा ४ सय रुपैयाँले घटेर प्रतितोला ९६ हजार ८ सय रुपैयाँमा कारोबार भएको थियो।

चाँदीको मूल्य बिहीबार तोलामा २५ रुपैयाँले बढेको छ। चाँदी प्रतितोला १३ सय रुपैयाँ कायम भएको छ। बुधबार चाँदी तोलामा ५ रुपैयाँ घट्दा प्रतितोला १२ सय ७५ रुपैयाँ रहेको थियो।

अन्तर्राष्ट्रिय बजारमा बिहीबार सुन प्रतिऔंस १३८४.१४ डलर छ। चाँदी प्रतिऔंस २१.२५ डलरमा कारोबार भइरहेको छ। बुधबार सुन प्रतिऔंस १२३४.५५ डलर र चाँदी प्रतिऔंस २०.९५ डलर थियो।


Share this Story

   

Advertisements

Most Read


bizmandu

facebook     twitter
© Copyright 2012 Bizmandu Pvt. Ltd. All Rights Reserved.
Ncell