काठमाडौं। लुम्बिनी जनरल इन्स्योरेन्स र सगरमाथा इन्स्योरेन्स कम्पनी मर्जरमा जाने भएका छन्। आज बिहान दुई कम्पनीबीच एक आपसमा मर्जरमा जान प्रारम्भिक सहमितपत्रमा हस्ताक्षर भएको हो।
उक्त सहमतिपत्रमा लुम्बीनी जनरल इन्स्योरेन्सको तर्फबाट अध्यक्ष अरुण राज श्रेष्ठ र सगरमागा इन्स्योरेन्स कम्पनीको तर्फबाट अध्यक्ष लोकमान्य गोल्छाले हस्ताक्षर गरेका छन्।
बीमा समितिले तोकेको चुक्ता पुँजी साढे २ अर्ब पुर्याउनका लागि मर्जरमा जान लागेको कम्पनीको अन्तिम सहमति भएसँगै सम्झौता आजै हुने भएको छ।
हाल लुम्बिनी जनरलको चुक्ता पुँजी एक अर्ब ३२ करोड रुपैयाँ छ भने सगरमाथा कम्पनीको चुक्ता पुँजी १ अर्ब ३३ करोड रुपैयाँ छ। मर्जर पछि चुक्ता पुँजी २ अर्ब ६४ करोड भन्दा बढी पुग्नेछ।