काठमाडौं। हेटौंडा सिमेन्ट उद्योग लिमिटेडको अध्यक्षमा गणेशप्रसाद भेटुवाल नियुक्त भएका छन्। उद्योग अध्यक्षको रिक्त पदमा खुला प्रतिस्पर्धात्मक प्रतियोगिताबाट नियुक्ति गरिएको हो।
अध्यक्ष पदका लागि ८ जनाको आवेदन परेको थियो। जसमा अन्जना अपाध्याय, गणेशप्रसाद भेटुवाल, गौतम केसी, दिलीपकुमार झा, नहकुल केसी, निर्मलप्रसाद कोइराला, रवीन्द्र अधिकारी र सन्तोषकुमार तामाङले आवेदन थिएका थिए। मन्त्रालयको सिफारिस समितिले उनीहरुसँग गत शुक्रबार अन्तर्वार्ता लिएको थियो।
अन्तर्वार्तापछि आवेदकमध्ये अध्यक्षमा नियुक्तिका लागि मकवानपुरको बसामाडी-२ का भेटुवालको नाम सिफारिस गरेको उद्योग वाणिज्य तथा आपूर्ति मन्त्रालयले जनाएको छ।
मन्त्रालयले गत आर्थिक वर्ष गत असार २७ गते अध्यक्ष पदका लागि दरखास्त आह्वान गरेको थियो।
