काठमाडौं। बाढी प्रभावित क्षेत्रका लागि एनसेलले भ्वाइस र डेटा सेवा तीन दिनका लागि निःशुल्क उपलब्ध गराउने भएको छ।
त्यसबाहेक प्रभावित क्षेत्रका सर्वसाधारणलाई तीन दिन समयावधि रहेको १०० वटा एसएमएस पनि निःशुल्क पाउने भएका छन्। बाढी प्रभावित क्षेत्रका बासिन्दा र उद्धारमा खटिएका निकायहरूलाई सहज रूपमा सम्पर्कमा रहन मद्दत गर्न नि:शुल्क सेवा दिइएको एनसेलले जनाएको छ।
बुधबार बिहान चीनतर्फबाट आएको ल्हेन्दे खोलाको बाढीले रसुवा, नुवाकोट र धादिङ जिल्लाका तटीय क्षेत्र प्रभावित भएका छन्। चितवनको मुग्लिन-नारायणघाट क्षेत्रमा पनि सतर्कता अपनाइएको छ।
एनसेलका साथै नेपाल टेलिकमले पनि प्रभावित क्षेत्रमा भ्वाइस र डेटा नि:शुल्क उपलब्ध गराएको छ।
