काठमाडौं। साताको दोस्रो दिन सेयर बजार बढेको छ। सोमबार नेप्से परिसूचक ७.७३ अंक बढेर २७९६.४३ विन्दुमा पुगेको छ। कारोबारमा आएका जलविद्युत, इन्भेष्टमेन्ट, म्युचुअल फण्ड, अन्य र व्यापार बाहेकका उपसमूहले बजार बढाएका हुन्।
उत्पादन तथा प्रशोधनको सूचक सबैभन्दा धेरै १.५२ प्रतिशत बढेको छ। बजारमा सेयरमूल्य बढ्दा १५७ कम्पनीका लगानीकर्ताले कमाएका छन्।
४ कम्पनीको सेयर मूल्यमा पोजेटिभ सर्किट लागेको छ। कर्पोरेट डेभलपमेन्ट बैंक, पाल्पा सिमेन्ट इन्डष्ट्रिज, शिखर पावर डेभलपमेन्ट र सिटी होटलको सेयर मूल्यमा पोजेटिभ सर्किट लागेको हो।
बजारमा ४ अर्ब ७४ करोड ८८ लाख रुपैयाँको सेयर किनबेच भएको छ। रिलायन्स स्पिनिङ मिल्सको सबैभन्दा धेरै ३० करोड ७४ लाख, आँखु खोला जलविद्युत कम्पनीको २६ करोड १८ लाख र सोलु हाइड्रोपावरको २३ करोड ९७ लाख रुपैयाँको सेयर किनबेच भएको छ।
बजारमा १०२ कम्पनीको सेयरमूल्य घटेको छ भने १० वटाको स्थिर रह्यो। घटेकामध्ये निफ्रा ग्रीन इनर्जी डिबेन्चरमा १४.०१ र माई खोला हाइड्रोपावरको सेयरमूल्यमा १०.०१ प्रतिशतको गिरावट छ।
