काठमाडौं। आइपीओ बिक्री गरेर नेप्सेमा सूचीकृत ४८ कम्पनीको संस्थापक सेयर ‘लकइन’मा छ। हाइड्रोपावर, उत्पादन तथा प्रशोधन, पर्यटन, इन्भेष्टमेन्ट र अन्य क्षेत्रका चार दर्जन कम्पनीको संस्थापक सेयर लकइनमा रहेको हो।

तीमध्ये अधिकांश कम्पनीको लकइन अवधि यही वर्षभित्र सकिँदैछ। केही कम्पनीको २०८४ र १२ वटाको २०८५ मा सकिनेछ। कम्पनीको संस्थापक तथा स्थानीय र कर्मचारीलाई वितरण गरेको सेयर लकइन अवधिमा किनबेच गर्न पाइँदैन। कम्पनीको सञ्चालन सुरु हुने बित्तिकै मुख्य लगानीकर्ताहरूले सेयर बेचेर बाहिरिँदा बजारमा अस्थिरता नआओस् र कम्पनीप्रति उनीहरूको जिम्मेवारी कायम रहोस् भन्नका लागि यो नियम बनाइएको हो।

३ वर्षे लकइन अवधि सकिएपछि मात्रै संस्थापक सेयर दोस्रो बजारमा किनबेच हुन्छ। बैंक तथा वित्तीय संस्था बाहेकका कम्पनीको संस्थापक सेयर पब्लिकमा रुपान्तरण भएर पब्लिक सेयरकै मूल्यमा किनबेच गर्न सकिने व्यवस्था छ।

सेयर बजारमा अहिले बैंक तथा वित्तीय संस्थासहित २८४ कम्पनी सूचीकृत छन्।

नेप्सेमा सूचीकृत कम्पनीको लकइन अवस्था