काठमाडौं। थोक बजारमा स्थानीय काउलीको भाउ एक महिनामा ४१.२५ रुपैयाँले घटेको छ।

कालीमाटी तरकारी तथा फलफूल बजारमा सोमबार औसतमा ९० रुपैयाँ प्रति किलोमा स्थानीय काउली किनबेच भइरहेको छ। एक महिनाअघि अर्थात् कात्तिक २२ गते यसको मूल्य ४८.७५ रुपैयाँ थियो।

यस्तै, डल्लो भन्टाको मूल्य २० रुपैयाँले बढेको छ। सोमबार डल्लो भन्टाको प्रति किलो थोक मूल्य औसतमा ९५ रुपैयाँ तय भएको छ। एक महिनाअघि यसको मूल्य प्रति किलो ७५ रुपैयाँ थियो।

लाम्चो भन्टा १५ रुपैयाँले महँगिएको छ। एक महिनाअघि औसतमा ५५ रुपैयाँ प्रति किलोमा बिक्री भएको लाम्चो भन्टाको मूल्य सोमबार ७० रुपैयाँ तोकिएको छ।

कालीमाटी तरकारी बजारमा आज तरकारी, फलफूल र माछाको थोक मूल्य कति?