काठमाडौं । बिल बिजकमा उल्लिखितभन्दा बढी सामान बोकेको एउटा ट्रकलाई प्रहरीले नियन्त्रणमा लिएको छ।
रातिको समयमा बिल बिजकमा भएभन्दा बढी खुद्रा सामानहरू बोकेको माल बाहक ट्रकलाई वीरगंजबाट काठमाडौंतर्फ आउँदै गरेको अवस्थामा वीरगंज-१४ गण्डक चोकबाट नियन्त्रणमा लिएको हो।
प्रहरीकाअनुसार ना६ख ४९४० नम्बरको मालबाहक ट्रकलाई रोकेर जाँच गर्ने क्रममा बिलबिजक शंकास्पद देखिएको थियो। उक्त ट्रकमा ६० लाख ७९ हजार बराबरको सामान थियो।
प्रहरीले ट्रकबाट बरामद सामानलाई थप अनुसन्धानका लागि राजस्व अनुसन्धान कार्यालय पथलैयामा बुझाएको छ।
