साथै बजार सम्बन्धी पर्याप्त जानकारी कहाँबाट लिने ? बजारको उतारचढाबलाई कसरी मुल्याङ्कन गर्ने ? बजारलाई केले बढी प्रभाव पार्छ ? कस्ता नीती नियमले बजार प्रभवित हुन्छ ? कुन कुराको सिधा प्रभावले दैनिक कारोबारमा कस्तो नतिजा दिईरहेको हुन्छ ? अध्ययन गर्न जरुरी हुन्छ ।
 
सेयर बजारले बिभिन्न सिजनमा (चकृय रुपमा) आफ्नो निश्चित बाटो तय गर्दछ । त्यसैले कुन कुन समयमा बजारमा पस्न उपयुक्त हुन्छ अर्थात सेयर कहिले किन्न/बेच्न ठीक हुन्छ ? कहिलेसम्म होल्ड गर्ने हो ? र बेच्ने सही समय कुन हो ? (समग्रमा किन्ने, होल्ड गर्ने र बेच्ने) जस्ता कुराहरुको अधिक महत्वका साथ ख्याल गर्ने र सही लागेको समय वा आफुले अड्कल गरेको नाफा आउने बित्तिकै बेच्न सकेमा कमाउन सकिन्छ ।
 
धेरैजसो विश्लेषक र लगानीकर्ताले अहिले नियमित चक्रभन्दा फरक दिशामा हिँडिरहेके बताउन थालेका छन् । बजार नियमित चक्रभन्दा फरक दिशामा गइरहेको भनेर केही हदसम्म मान्न सकिन्छ । तर पूर्ण रुपमा फरक भईरहेको छ भन्दा हतार हुनसक्छ ।
 
कतिपयले पहिलेको नेप्सेको रेखान्कन (टेक्निकल पक्ष) अध्ययन कै खाका अहिलेको बजारमा तुलना गरेर बोलिरहनु भएको छ, सदैब पुरानै हिसाबले बजार चलिरहन्छ भन्नु सान्दर्भिक नहुन सक्छ । सेयर बजारमा पुरानो पक्ष (स्थिति) लाई तुलनात्मक अध्ययन गर्नु हुँदैन भन्ने होइन ।  तर अहिले बजारमा लगानीकर्ताहरु पहिलाका भन्दा फरक छन् र फरक रुपमा प्रस्तुत भाईरहेका छन्, त्यही भएर बजारको विश्लेषण पनि फरक रुपमा गर्न जरी भइसकेको छ ।
 
अहिले बजारमा पुराना लगानिकर्ताको निरन्तरताका साथै नयाँ लगानीकर्ता पनि भित्रिसकेका छन् ।