काठमाडौं। देशभरका गरगहना व्यवसायीहरुको व्यवसायीक क्षमता अभिबृद्धिका साथै गरगहनाको बारेमा बिस्तृत जानकारी हाँसिल गर्ने उद्देश्यले पाँच दिने एक्रिडिटेड ज्वेलगरी प्रोफेसनल डिप्लोमा कोर्षको अध्ययन कार्यक्रम आयोजना गरिएको छ।
.jpg)
नेपाल सुनचाँदी रत्न तथा आभुषण महासंघ र गरगहनाको क्षेत्रमा विश्व विख्यात संस्था जेमोलोजीकल इन्स्टिच्यूट अफ अमेरिका को संयुक्त आयोजनामा गरिएको कार्यक्रमको उद्घाटन संस्कृतिविद् डा. सत्यमोहन जोशीले गरेका छन्।
यस प्रकारको तालिम तथा कार्यक्रमले नेपाली व्यवसायीहरुको क्षमता अभिबृद्धि गर्नुको साथै नेपाली गरगहनाको अन्तराष्ट्रिय बजार बिस्तारसँगै यसको गुणस्तरीयता कायम राख्नमा तालिमले थप सहयोग गर्ने डा जोशीले बताए। कार्यक्रममा जिआईएका पदाधिकारीहरुले नेपालमा पहिलो चोटी यस्तो खालको तालिम संचालन गर्न पाउँदा आफुहरु उत्साहित भएको बताएका छन्। तालिम कार्यक्रम असार ९ देखि १३ गतेसम्म सञ्चालन हुने छ।
