काठमाडौं । बैंकिङ्ग क्षेत्रमा सबैभन्दा बढी तलव सुविधा स्ट्याण्डड् चार्टड बैंकको छ । चार्टड बैंकमा एक कर्मचारीको मासिक औषत तलव भत्ता एक लाख रुपैयाँ छ । गत आर्थिक वर्षको वित्तीय विवरण सार्वजनिक गरेका १७ बैंकमध्ये सबैभन्दा कम तलव सुविधा सेञ्चुरी बैंकको छ । बैंकमा एक कर्मचारीले औषतमा वार्षिक साढे तीन लाख रुपैयाँ पाएका छन् ।
बिजमाण्डूले औषत तलव/सुविधा निकाल्न गत आर्थिक वर्षको बैंकको लेखा परीक्षण भएको वित्तीय विवरणलाई आधार मानेको थियो । यसअनुसार बैंकले कर्मचारीलाई भुक्तानी गरेको तलव तथा भत्तालाई जोड गरेर बैंकमा भएका कर्मचारीलाई विभाजन गरी औषत तलव भत्ता निकालिएको हो । कर्मचारीले पाउने तलव भत्तामा प्रमुख कार्यकारी अधिकृतको तलव भत्ता भने हटाइएको छ । प्रमुख कार्यकारी अधिकृतले नेपालमा एक कर्मचारीले पाउने औषत तलवभन्दा ४० गुणा बढीसम्म पाउने गरेका छन् ।

बैंकहरुले आफ्ना कर्मचारीलाई पारिश्रमिक र सेवा सुविधासहित  वार्षिक एक अर्ब रुपैयाँसम्म लगानी गरेका छन् । यति हुँदाहुँदै पनि एकै बैंकमा मूख्य पदाधिकारीको तलब अन्य कर्मचारीले पाएको औसत तलबको तुलनामा ज्यादै न्युन छ ।

नपाल इन्भेष्टमेन्ट बैंकको प्रमूख कार्यकारी अधिकृत ज्योतिप्रकाश पाण्डेको बार्षिक तलब ४६ लाख २७ हजार रुपैयाँ छ । उनले भत्ता बापत ८५ लाख ७५ हजार, चार्डपर्व खर्च बापत ११ लाख रुपैयाँ पाएका छन् । कर्मचारी सञ्चय कोषमा उनको नाममा बार्षिक चार लाख ६२ हजार पठाउने गरिएको छ । उनले बार्षिक एक करोड ४७ लाख रुपैयाँ तलव भत्ता बुझेका छन् । नौं सय १० कर्मचारी रहेको यो बैंकले पाण्डेलाई मात्र कुल कर्मचारी खर्चको २.२५ प्रतिशत रकम दिएको छ । अन्य कर्मचारीले प्रतिव्यक्ति बार्षिक औसत सात लाख दुई हजार रुपैयाँ पाउने गरेका छन् । अन्य कर्मचारीको तुलनामा भने पाण्डेले २१ गुणा बढि तलब खाने गरेको देखिन्छ । 

बैंकका प्रमूख कार्यकारी अधिकृत नारायण दास मानन्धरले गत आर्थिक वर्षमा तलब बापत ५७ लाख ६० हजार बुझेका छन् । मानन्धरले ३८ लाख ४० हजार भत्ता, चार लाख ८० हजार चार्डपर्व खर्च, पाँच लाख ७६ हजार कर्मचारी सञ्चय कोष कट्टा बापत पाएका छन् । 

सेञ्चुरी कमर्सियल बैंकका प्रमुख कार्यकारी अधिकृत गणेशकुमार श्रेष्ठले पारिश्रमिकवापत ३६ लाख ८३ हजार, भत्ता बापत १५ लाख, चाडपर्व खर्चवापत चार लाख २७ हजार पाए । कर्मचारी सञ्चय कोषमा उनको नाममा बार्षिक तीन लाख ६८ हजार रकम जम्मा गरिएको छ ।