काठमाडौं। प्रोटोन ईमास५ ले दुई वटा अन्तर्राष्ट्रिय अवार्ड जितेको छ। यो विद्युतीय गाडीले मलेसियामा पिपुल्स च्वाइस र एडिटर्स च्वाइस विधामा अवार्ड जितेको हो।

कारलिस्ट डट एमवाईले गरेको कार्यक्रममा प्राप्त उपलब्धिले उपभोक्ता तथा अटोमोबाइल क्षेत्रका विज्ञमाझ प्रोटोन ई. मास ५ को बढ्दो लोकप्रियता र आकर्षणलाई थप पुष्टि गरेको नेपालका लागि यसको आधिकारिक विक्रेता कम्पनी जगदम्बा मोटर्सले जनाएको छ।

कम्पनीले जारी गरेको प्रेस विज्ञप्तिमा यी दुई अवार्डले प्रतिस्पर्धात्मक विद्युतीय सवारी बजारमा प्रोटोन ई.मास ५ ले प्राप्त गरिरहेको विश्वास र स्वीकार्यतालाई प्रतिबिम्बित गर्ने उल्लेख छ।