काठमाडौं। सुनको मूल्यमा भारी गिरावट भएको छ। सुनको मूल्य शुक्रबार तोलामा १२ हजार ६०० रुपैयाँ घटेको छ।

नेपाल सुनचाँदी व्यवसायी महासंघले सुनको मूल्य प्रति तोला २ लाख ७१ हजार ७०० रुपैयाँ निर्धारण गरेको छ। यसअघि कात्तिक २३ गते सुन प्रति तोला २ लाख ८४ हजार ३०० रुपैयाँका दरले किनबेच भएको थियो।

शुक्रबार चाँदीको मूल्य पनि घटेको छ। चाँदीको भाउ तोलामा १५५ रुपैयाँले घटेर ३ हजार ७०० रुपैयाँमा आइपुगेको छ।

अन्तर्राष्ट्रिय बजारमा मूल्य ओरालो लागेपछि नेपाली बजारमा सुन र चाँदी दुवैको भाउ ४ प्रतिशतभन्दा धेरै घटेको हो। महासंघका अनुसार सुनको भाउ ४.४३ र चाँदीको भाउ ४.०२ प्रतिशतले घटेको छ।

अन्तर्राष्ट्रिय बजारमा प्रति औंस सुनको मूल्य ३९१७.८९ र चाँदीको भाउ ५०.३४ डलरमा आइपुगेको छ।