काठमाडौं। राष्ट्रिय सतर्कता केन्द्रले एक वर्षमा ११ हजार १०१ जना कर्मचारीलाई कारबाहीको सिफारिस गरेको छ।
प्रधानमन्त्री तथा मन्त्रिपरिषद् कार्यालय मातहतको केन्द्रले गत आर्थिक वर्ष देशभरका १ हजार ५७७ सरकारी कार्यालयको अनुगमन गरी समय पालना नगर्ने ९ हजार ६९७ र तोकिएको पोशाक नलगाउने १ हजार ४०४ कर्मचारीलाई कारबाही गर्न सम्बन्धित कार्यालयलाई सिफारिस गरेको हो।
केन्द्रले गत आर्थिक वर्ष २०८२/८३ मा सम्पादन गरेका काम समेटिएको वार्षिक प्रतिवेदन बुधबार प्रधानमन्त्री बालेन्द्र शाहसमक्ष पेस गरेको छ।
केन्द्रमा गत आर्थिक वर्ष अघिल्लो आर्थिक वर्षबाट जिम्मेवारी सरेर आएका ४२९ सहित २ हजार ५६६ उजुरी परेका थिए। तीमध्ये ७२ प्रतिशत अर्थात १ हजार ८५४ उजुरी फर्छ्योट गरेको केन्द्रले प्रतिवेदनमा उल्लेख गरेको छ।
केन्द्रले दैनिकरूपमा आचारसंहिता पालना, फाइल ट्र्याकिङ, सरकारी सवारी साधनको प्रयोगमा नियमन र बिचौलिया नियन्त्रण जस्ता विषयमा पनि निगरानी गरिरहेको बताएको छ।
