काठमाडौंको सोह्रखुट्टेस्थित एक कलेजको क्यान्टिनमा बुधबार बिहान आगलागी भएको छ। कामपा-१६ स्थित सिग्मा कलेजको क्यान्टिनमा ग्यास लिक भएर आगलागी भएको हो।
कलेज भवनको भुइँतलामा रहेको क्यान्टिनमा लागेको आगो बेलैमा नियन्त्रणमा लिइएकाले कलेज ठूलो क्षतिबाट जोगिएको छ। सशस्त्र, नेपाल प्रहरी र स्थानीय बासिन्दासँगै दमकलको सहयोगमा आगो निभाइएको हो।
आगोले क्यान्टिनको भान्सामा क्षति पुगेको छ। घटनामा करिब ३ लाख रुपैयाँ बराबरको क्षति भएको बताइएको छ।
आगो लागेको जानकारी पाउनासाथ सशस्त्र प्रहरी बलको २४ नम्बर बाघभैरव गुल्मबाट डीएसपी अशोककुमार न्यौपाने र कमाठमाडौं महानगरपालिका वारुणयन्त्र कार्यालय न्यूरोडबाट सशस्त्रका सई धनबहादुर सुवेदीको कमाण्डमा टोली खटिएको थियो।
