काठमाडौं। चालु आर्थिक वर्ष ८ महिनामा २१ अर्ब ८३ करोड १५ लाख रुपैयाँ बराबरको सार्वजनिक निष्कासन भएको छ।

नेपाल धितो पत्र बोर्ड (सेबोन)ले चालु वर्ष फागुनसम्म आइपीओ, हकप्रद सेयर, ऋणपत्र र सामूहिक लगानी कोष गरेर २६ वटा सार्वजनिक निष्कासन स्वीकृत गरेको हो।

सबैभन्दा धेरै ११ वटा म्युचुअल फण्डले १० अर्ब २० करोड रुपैयाँको सार्वजनिक निष्कासन गरेका छन्। हकप्रद सेयर ७ कम्पनीले ९ अर्ब २९ करोड ६५ लाख रुपैयाँको निष्कासन गरेका छन्। यस्तै, आइपीओ ५ कम्पनीले १ अर्ब १ करोड रुपैयाँको निष्कासन गरेकामा ऋणपत्र १ अर्ब ३२ करोड रुपैयाँको निष्कासन गरिएको छ।