काठमाडौं। उपत्यकाको थोक बजारमा शनिबार अन्य सागपातका तुलनामा चमसुरको साग निकै महँगिएको छ। एकै दिन ३५ रुपैयाँ बढ्दै किलोको ६५ रुपैयाँ पुगेको छ। चमसुरको साग शुक्रबार थोक मूल्य प्रति किलो ३० रुपैयाँ थियो।   

कुरिलो किलोमा १३४ रुपैयाँ बढेको छ भने तराई परवर ७० रुपैयाँ घटेको छ। शुक्रबार ७६६ रुपैयाँ रहेको कुरिलो किलोको ९०० रुपैयाँ पुग्दा तराई परवर १४५ बाट घटेर ७५ रुपैयाँ भएको कालीमाटी फलफूल तथा तरकारी बजार विकास समितिले जनाएको छ।  

थोक बजारमा ठूलो गोलभेंडा, गाजर, काउली, लौका, घिरौंला, फर्सी, चमसुरको साग, बकुल्ला सिमी महँगिएका छन्। सेतो मुला, लाम्चो भन्टा, बरेला, कागती, हरियो खुर्सानी सस्तिएका छन्।

शुक्रबार किलोको १८ रुपैयाँ ३३ पैसा रहेको ठूलो नेपाली गोलभेंडा बढेर शनिबार २२ रुपैयाँ ३३ पैसा भएको छ। भारतीय ठूलो गोलभेंडा प्रति किलो ४५ रुपैयाँमा मूल्य स्थिर छ। सानो तराई गोलभेंडा १८ रुपैयाँबाट घटेर किलोको १७ रुपैयाँ ६७ पैसा भएको छ।

सुकेको प्याज ५० र हरियो प्याज ३५ रुपैयाँ किलोमा मूल्य स्थिर छ। लोकल गाजर किलोको ३५ बाट बढेर ४५ र तराई गाजर २२ रुपैयाँ ३३ पैसाबाट ३० रुपैयाँ पुगेको छ। लोकल काउली किलोको १७ रुपैयाँ ६७ पैसाबाट बढेर २२ रुपैयाँ ३३ पैसा भएको छ।

कन्य च्याउ किलोमा ३० रुपैयाँ बढेर १४०, ब्रोकाउली १० बढेर ४५ रुपैयाँ भएको छ। शुक्रबार प्रति किलो १४५ ले किनबेच भएको सजिवन शनिबार बढेर २२६ रुपैयाँ ६७ पैसा पुगेको छ।

सेतो लोकल मुला किलोको १७ रुपैयाँ ६७ पैसामा स्थिर रहँदा सेतो हाइब्रिड मुला २५ बाट घटेर २२ रुपैयाँ ३३ पैसा भएको छ। डल्लो भन्टा किलोको ४५ रुपैयाँमा स्थिर रहँदा लाम्चो भन्टा किलोको ३८ रुपैयाँ ३३ पैसाबाट घटेर ३५ रुपैयाँ भएको छ। १०/१० रुपैयाँ बढेर लौका किलोको ४५, घिरौंला ५५, हरियो लाम्चो र डल्लो फर्सी २५ रुपैयाँ भएको छ।

भिन्डी किलोको ९५, रायो साग ४५, तीते करेला १३५, पिँडालु ८५, पालुंगो साग ६५ रुपैयाँमा स्थिर छ। कोइरालो ३० रुपैयाँ बढेर किलोको १७० रुपैयाँ, १०/१० बढेर गान्टे मुला ५५, लोकल काँक्रो ५५, हाइब्रिड काँक्रो २५ रुपैयाँ भएको छ।

यस्तो छ आजको भाउ

फलफूलमा किलोको ३२० रहेको फुजी स्याउ १० रुपैयाँ बढेको छ भने २६५ रहेको कागती ५ रुपैयाँ सस्तिएको छ। भारतीय सुन्तला १२१ रुपैयाँ ६७ पैसाबाट बढेर प्रति किलो १२५ रुपैयाँ पुगेको छ। नेपाली मेवा किलोको ४५ मा स्थिर रहँदा भारतीय मेवा ३ रुपैयाँ बढेर १०८ पुगेको छ। स्ट्रबेरी किलोको १९० बाट बढेर २२६ रुपैया पुगेको छ।