काठमाडौं। नेपाल धितोपत्र बोर्ड(सेबोन)ले सन नेपाल लाइफ इन्स्योरेन्सलाई हकप्रद सेयर निष्कासन गर्न अनुमति दिएको छ।
सेबोनले सन नेपालले १ अर्ब ६ करोड ९६ लाख ३२ हजार रुपैयाँ बराबरको १ करोड ६ लाख ९६ हजार ३२० कित्ता सेयर हकप्रद सेयर निष्कासन गर्न आइतबार अनुमति दिएको हो।
इन्स्योरेन्सले हकप्रद सेयर निष्कासनको अनुमतिका लागि गत असारमा आवेदन दिएको थियो।
कम्पनीको चुक्ता पुँजी अहिले ३ अर्ब ९६ करोड रुपैयाँ छ। हकप्रद सेयर बिक्रीपछि इन्स्योरेन्सको पुँजी ५ अर्ब ३ करोड रुपैयाँ पुग्नेछ। कम्पनीको सेयर निष्कासन तथा बिक्री प्रबन्धकमा नेपाल एसबिआई मर्चेन्ट बैंकिङ छ।
नेपाल बीमा प्राधिकरणले २०७८ मा लाइफ इन्स्योरेन्सको पुँजी अढाइ गुणाले वृद्धि गरेर ५ अर्ब रुपैयाँ पुर्याएकामा कम्पनीले कायम गर्न सकेको छैन।
