काठमाडौं। साताको तेस्रो दिन घटेको सुनचाँदीको कारोबार मूल्य चौथो दिन फेरि बढेको छ। बुधबार सुन तोलामा ६ सय र चाँदी ३० रुपैयाँ बढेको हो। नेपाल सुनचाँदी व्यवसायी महासंघका अनुसार सुनको कारोबार मूल्य प्रति तोला १ लाख ७० हजार ५ सय रुपैयाँ निर्धारण भएको छ।
गत सोमबारका तुलनामा ५ सय घट्दा मंगलबार सुन प्रतितोला १ लाख ६९ हजार ९ सय रुपैयाँमा कारोबार भएको थियो। गत आइतबारका तुलनामा एक सय रुपैयाँ बढेर सोमबार प्रति तोला १ लाख ७० हजार ४ सय भएको थियो।
चाँदी उच्च मूल्यमा पुगेको छ। बुधबार कारोबार मूल्य प्रति तोला २ हजार रुपैयाँ पुगेको छ। अघिल्लो दिनका तुलनामा तोलामा ३० रुपैयाँ बढेर उक्त मूल्य कायम भएको हो। यसअघि सोमबारका तुलनामा तोलामा १५ रुपैयाँ घट्दा मंगलबार प्रति तोला १ हजार ९ सय ७० रुपैयाँमा कारोबार भएको थियो।
अन्तर्राष्ट्रिय बजारमा बुधबार सुन प्रति औंस २९१३.७८ डलर छ। चाँदी प्रतिऔंस ३२.७४ डलर पुगेको छ। मंगलबार सुन प्रति औंस २८९७.७८ डलर र चाँदी ३२.१८ डलरमा कारोबार भएको थियो।
