काठमाडौं। चीनको सिचुआन एयरलाइन्सले बिहिबार कुनमिङ-पोखरा चार्टर्ड उडान गर्ने भएको छ। एयरलाइन्सले एयरबस कम्पनीको ए ३१९-१३३ सिरिजको जहाज बिहिबार दिउँसो १२२ यात्रुसहित पोखरा विमानस्थलमा अवतरण गर्न लागेको हो।
जहाजमा आउने पर्यटक हाइकिङमा जानेछन्।
पोखरा अन्तर्राष्ट्रिय विमानस्थलकी प्रवक्ता जशोदा सुवेदीले चार्टर्ड जहाज दिउँसो २ बजे अवतरण भएर अपराह्न ४ बजे कुनमिङ फर्किने तालिका रहेको जानकारी दिइन्।
सिचुआन एयरलाइन्सले पोखरामा यसअघि पनि चार्टर्ड उडान गरेको थियो। नेपालका लागि सिचुआन एयरको जीएसए सोसाइटी इन्टरनेस्नल ट्राभल हो।
