काठमाडौं। नेपाल आयल निगमले पेट्रोलिय पदार्थको मूल्य घटाएको छ। इन्डियन आयल कर्पोरसनबाट मूल्य घटेर आएको भन्दै निगमले बुधबार रातिदेखि लागू हुनेगरी पेट्रोलमा प्रतिलिटर एक रुपैयाँ मूल्य घटाएको छ।
यस्तै, डिजेल र मट्टितेलमा प्रतिलिटर दुई रुपैयाँ मूल्य घटाइएको छ।
नयाँ मूल्य अनुसार अब पेट्रोल पहिलो वर्गमा १६७ रुपैयाँ ५० पैसा, दोस्रोमा १६९ र तेस्रो वर्गमा १७० रुपैयाँमा कारोबार हुने छ।
यस्तै, डिजेल र मट्टितेल पहिलो वर्गमा १५५ रुपैयाँ ५० पैसामा कारोबार हुने छ। यस्तै दोस्रो र तेस्रो वर्गमा क्रमशः १५७ र १५८ रुपैयाँमा कारोबार हुने छ।
