काठमाडौं। एनसेलले हाल संचालनमा रहेको आफ्नो ‘सधैं अन’ योजनामा आधारित भई वायरफ्री प्लस सेवामा आकर्षक अफर ल्याएको छ। यो अफर अन्तर्गत ग्राहकले भारी छुटमा बन्डल सेवाका साथै अल्टिमाको एयरबड र स्मार्टवाच निःशुल्क पाउन सक्छन्।
वायरफ्री प्लस नवीन प्रविधिमा आधारित वायरलेस इन्टरनेट हो। यसमार्फत ग्राहकले बिना झन्झट अनलिमिटेड इन्टरनेट र वाइफाइ कनेक्टिभिटीको फाइदा लिन सक्छन्। विशेषगरी घरेलु प्रयोजनका लागि उपयुक्त हुने यो सेवा ग्राहकले दराज, इसेवा, खल्ती र आइएमई पेको प्लेटफर्ममार्फत लिन सक्छन्।
यो अफर अन्तर्गत ग्राहकले वायरफ्री सेवाका लागि अर्धवार्षिक सदस्यता लिंदा ३५ प्रतिशत (२,०९५ रुपैयाँ) र वार्षिक सदस्यतामा ४२ प्रतिशत (४,९८९ रुपैयाँ) छुट पाउने एनसेलले जनाएको छ।
कम्पनीका अनुसार ६ महिनाका लागि सेवा लिंदा ग्राहकले ३,४९९ रुपैयाँ पर्ने अल्टिमाको एयरबड र एक वर्षको सेवा खरिदमा ५,९९९ रुपैयाँ पर्ने अल्टिमाको स्मार्टवाच निःशुल्क पाउनेछन्।
सेवाका लागि अर्धवार्षिक सदस्यता शुल्क करसहित ३,८९९ र वार्षिक सदस्यता शुल्क ६,९९९ रुपैयाँ छ। यी दुवै योजना खरिद गर्ने ग्राहकले एनसेलको फोरजी राउटर निःशुल्क शुल्क पाउँछन्।
यो योजनामा ग्राहकले २ वटा सिमकार्ड पाउँछन्। मुख्य एक सिममा प्रत्येक महिना २५० जीबी डेटा र डेटा भोल्युम सकिएमा ५१२ एमबीपीएस गतिमा अनलिमिटेड इन्टरनेट सेवा महिना भरी लिन सक्ने कम्पनीले जनाएको छ। कम्पनीका अनुसार दोस्रो सिममा ग्राहकले प्रत्येक महिना १०० मिनेट टक टाइम र ५ जीबी पाउँछन्।
