काठमाडौं । बढ्दो खराब कर्जा र लागतका कारण बैंकहरुको नाफामा यसपाली उल्लेख्य गिरावट देखिएको छ। उपलब्ध तथ्यांक अनुसार आधाभन्दा बढी बैंकको नाफा घटेको छ।

बैंकहरुको खराब कर्जा अनुपातमा बढोत्तरी देखिएको छ भने डुबेको ऋणका लागि गर्नु पर्ने नोक्शानी व्यवस्थापनको खर्च बढेर गएको छ।

ऐतिहासिक रुपमा नेपाल बैंकको नाफा घटेको छ। पोहोरको चैतको तथ्यांकसँग तुलना गर्दा यसपाली नेपाल बैंकको नाफा ९२ प्रतिशतभन्दा बढीले घटेको हो। माघदेखि चैतसम्म अर्थात पछिल्लो त्रैमासको मात्र हेर्ने हो भने बैंक नोक्शानीमै गएको छ।

लक्ष्मी सनराइज, नेपाल इन्भेष्टमेन्ट मेगा, प्राइम कमर्सियल, सिद्धार्थ, हिमालयन बैंकको नाफा बढेको छ।

अघिल्लो त्रैमासहरुमै नोक्शानी व्यवस्थापन गर्न सकेकाहरुको नाफा घट्ने क्रममा केही ब्रेक लागेको छ। अहिले आएर नोक्शानी ब्यवस्थापन गर्नेहरुको उच्च  दरले नाफा घटेको छ।

कुन बैंकको अवस्था कस्तो ?