आजको मौसम पूर्वानुमान : यी प्रदेशका पहाडी भू-भागमा हल्का वर्षाको सम्भावना

बिजमाण्डू
२०८० मंसिर १३ गते ०७:३३ | Nov 29, 2023
आजको मौसम पूर्वानुमान : यी प्रदेशका पहाडी भू-भागमा हल्का वर्षाको सम्भावना


काठमाडौं। हाल देशमा पश्‍चिमी वायुको साथै भारतको राजस्थान आसपास क्षेत्रमा रहेको न्यून चापीय प्रणालीको आंशिक प्रभाव रहेको छ। सोही मौसमी प्रणालीका कारण हाल देशको कोशी प्रदेश लगायत पहाडी भू-भागमा आंशिकदेखि सामान्य बदली रहेको मौसम पूर्वानुमान महाशाले जनाएको छ।

Tata
GBIME
Nepal Life

महाशाखाका अनुसार बुधबार दिउँसो देशका पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ। कोशी, वाग्मती, गण्डकी र कर्णाली प्रदेशका पहाडी भू-भागका एक/दुई स्थानमा हल्का वर्षाको सम्भावना रहेको छ। देशका उच्च पहाडी तथा हिमाली भू-भागका एक/दुई स्थानमा हल्का हिमपातको सम्भावना रहेको छ।

बुधबार राति देशका पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ। गण्डकी र कोशी प्रदेशका उच्च पहाडी तथा हिमाली भू-भागका एक/दुई स्थानमा हल्का हिमपातको सम्भावना रहेको महाशाखाको मौसम पूर्वानुमान बुलेटिनमा उल्लेख छ।