काठमाडौं। माछापुच्छ्रे बैंक २४ औं वर्षमा प्रवेश गरेको छ। यस अवसरमा बैंकले क्यासब्याक र विभिन्न आकर्षक अफर ल्याएको छ।
आफूले प्रदान गर्दै आएको डिजिटल सेवाबाट ग्राहकले क्यासब्याक र आकर्षक अफरको लाभ लिन सक्ने बैंकले जनाएको छ। डिजिटल भुक्तानीमा ग्राहकले निशुल्क इन्टरनेट प्याकेजका साथै सामसङ ट्याब्लेट र प्रत्येक दिन ५०० रुपैयाँ क्यासब्याक पाउने छन्। बैंकका अनुसार यो अफर असोज ३० गतेसम्म लागू हुने छ।
आफ्ना ग्राहकले दराजमार्फत डेबिट तथा क्रेडिट कार्ड प्रयोग गरी भुक्तानी गर्दा २३ प्रतिशतसम्म क्यासब्याक पाउने बैंकले जनाएको छ। बैंकले विभिन्न क्यूआर र मर्चेन्टबाट वस्तु तथा सेवाको भुक्तानी गर्दा पनि २३ प्रतिशतसम्म छुट र क्यासब्याक पाउने छन्। असोज १ गते सुरु भएको यो अफर भने असोज १७ गतेसम्मका लागि हो।
बैंकले आफ्नो २३ औं वार्षिकोत्सवका अवसरमा एक कार्यक्रम गरी २० वर्षभन्दा बढी समयदेखि काम गर्दै आएका कर्मचारीलाई सम्मान गरेको छ।
कार्यक्रममा प्रमुख कार्यकारी अधिकृत सन्तोष कोइरालाले माछापुच्छ्रेलाई स्मार्ट बैंकको रुपमा स्थापित गर्न सफल भएको बताए। उनले आगामी दिनमा सेवामा अझै सुधार गर्ने प्रतिबद्धता जनाए।
