कोरोनामा अर्थमन्त्री खतिवडाको राहत प्याकेज: एक महिना ऋणको ब्याज नमाग्ने, पुनर्कर्जा दिने




काठमाडौं। अर्थमन्त्रालयले बैंक तथा वित्तीय क्षेत्रलाई ऋणीहरुको सावा तथा ब्याज नउठाउन भनेको छ। 

मन्त्रालयले चैत मसान्तसम्म ऋणीको सावा तथा ब्याज असुल नगर्न वित्तीय सस्थाहरुलाई निर्देशन दिएको हो।

TaTa
Sanima Bank
Riddisiddi Cement

विश्वव्यापी कोरोना प्रभाव फैलिरहदाँ यसको असर व्यवसायीलाई परेको भन्दै मन्त्रालयले निर्देशन दिएको हो। निर्देशन कार्यान्वयन भने राष्ट्र बैंकले सर्कुलर जारी गरेर गराउने छ।

बैंक तथा वित्तीय क्षेत्रले ऋणीसँग चैत महिनाभर रकम उठाउन ताकेता गर्न पाउने छैन।

यस्तै मन्त्रालयले बैंक तथा वित्तीय संस्थाहरुबाट प्रभाह भएको कर्जाको वर्गिकरण हाललाई यथास्थितिमा राख्न राष्ट्र बैंकलाई निर्देशन दिएको छ। 

अर्थमन्त्री डा. युवराज खतिवडाको अध्यक्षतामा बसेको वित्तीय क्षेत्र व्यवस्थापन समन्वय समितिको बैठकले बुधबार विभिन्न निर्णय गरेको हो। 

बैठकले देशभर विद्युतीय कारोबारको व्यवस्था मिलाउन राष्ट्र बैंक र बैक तथा वित्तीय क्षेत्रलाई आग्रह गरेको छ। 

यसैगरी बैंकिङ प्रणालीमा तरलताको अभाव हुन नदिन अर्थ मन्त्रालयले भुक्तानी दिन बाँकी रहेको सबै रकम सजिलै भुक्तानी तथा राष्ट्र बैंकले बैंक तथा वित्तीय क्षेत्रलाई प्रदान गर्ने पुर्नकर्जाको समेत प्रयोग गर्नुपर्नेछ।

यस्तै बैठकले मुलुकभित्रको उत्पानमुखी उद्योगलाई कर्जा बढाउन मन्त्रालयले बैक तथा वित्य क्षेत्रलाई निर्देशन दिएको छ। सरकारले प्रदान गर्दै आएको ब्याज र बीमा प्रिमियम अनुदानको लागि आवश्यक रकम मन्त्रालयले व्यवस्था गर्नेछ। यसैगरी धितोपत्र, कम्पनी दर्ता, बचत तथा ऋण परिचालन लगायत कामहरु निरन्तर सञ्चालन गर्न मन्त्रालयले निर्देशन दिएको छ। 


Share this Story

   

कोरोनामा अर्थमन्त्री खतिवडाको राहत प्याकेज: एक महिना ऋणको ब्याज नमाग्ने, पुनर्कर्जा दिने को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.
Ncell