लगानीकर्ता आश्वस्त नहुँदा नेप्से सूचक उकालो लागेन, रसुवागढी र सान्जेनको धेरै कारोबार




काठमाडौँ। सामान्य कारोबारकाबीच सोमबार शेयर बजार झिनो अंकले बढेको छ। नेपाल स्टक एक्सचेन्जको कारोबार मापक सूचक ०.१३ अङ्कले बढेर १२३३.८५ अंकमा उक्लिएको छ।

१२३४ अंकबाट सुरु भएको बजार कारोबारको पहिलो दुई घण्टामा दुई अङ्क बढेको थियो। सुरुवातको वृद्धि टिकाउ हुन नसकेपनि अन्त्यमा बजार थोरै बढेर बन्द भयो।

TATA
SANIMA new
Jagdamba Steel

पुँजीगत लाभकर विवादको यकिन समाधान नआएको कारण बजार धैरैमाथि उक्लिन नसकेको लगानीकर्ता युजिन बजिमयले जानकारी दिए।

दलाल कम्पनीमै गएर शेयर लाभकरको गणना गर्नुपर्ने स्थितिको अन्त्य हुनुपर्ने माग लगानीकर्ताले गरिरहेका छन्। जसलाई सरोकारवालाले बेवास्ता गर्दा सूचक धेरै बढ्न नसकेको बजिमयको भनाइ छ।

सोमबार १ सय ७१ कम्पनीको शेयर कारोबार भयो। १८ लाख २१ हजार कित्ता शेयर ३१ करोड ४२ लाख रुपैयाँमा कारोबार भएको छ।
कारोबार रकमकै आधारमा रसुवागढी हाइड्रो पावर र सान्जेन जलविद्युत कम्पनीको कारोबारले अग्रता लिएका छन्।

रसुवागढीको दुई करोड ५९ लाख रुपैयाँ बराबरको शेयर कारोबार भएको छ। सान्जेनको एक करोड ४९ लाख रुपैयाँ बराबरको कारोबार भयो।

उपसूचक मिश्रित देखिएका छन्। १२ समूहको उपसूचकमा पाँच समूहको शेयर घट्यो भने सात समूहको यपसूचक बढेका छन्। सबैभन्दाबढि होटेल समूहमा १.०१ प्रतिशतको बढोत्तरी देखिएको छ। ट्रेडिङ समूह २.३ प्रतिशतले घटेको छ।      

 


Share this Story

   

लगानीकर्ता आश्वस्त नहुँदा नेप्से सूचक उकालो लागेन, रसुवागढी र सान्जेनको धेरै कारोबार को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.
Ncell