काठमाडौं-हेटौडा सुरुङ मार्गलार्इ तीन क्यानेडियन कम्पनीको २७ अर्ब ऋण, तीन महिनामा निर्माण सुरु





काठमाडौं । नेपाल पूर्वाधार विकास कम्पनी र क्यानेडियन कम्पनीबीच काठमाडौं-कुलेखानी-हेटौडा सुरुङ मार्ग निर्माणको लागि ऋण लिने  सम्झौता पत्रमा हस्ताक्षर भएको छ ।

नेपाल पूर्वाधार विकास कम्पनीका तर्फबाट अध्यक्ष कुशकुमार जोशी र इन्फ्राब्याङ्क्स् कर्पोरेसन, सेज ग्लोबल क्यानडा र ग्लोबल फिनान्सियल एसोसिएट्स् क्यानडाका प्रतिनिधिबीच शनिबार राजधानीमा आयोजित कार्यक्रममा २८ करोड अमेरिकी डलर (करिव २७ अर्ब रुपैयाँ) बराबरको ऋण लिनेदिने सम्झौता भएको हो ।

सम्झौता अनुसार नेपाली कम्पनीले यो ऋण १५ वर्ष भित्र तिर्ने गरि लिएको हो । तर पूर्वाधार विकास कम्पनीका अध्यक्ष जोशीका अनुसार नेपाली कम्पनीले साढे आठ वर्षमा भित्र नै लिइएको ऋण तिर्ने लक्ष्य लिएको जानकारी दिए । यसको व्याजदर भने जोशीले खुलाउन चाहेनन् ।
Sipradi
Sanima Bank
Riddisiddi Cement


उनले लण्डन इन्टरब्याङ्क अफर्ड रेट अनुसार ऋणको व्याजदर तोकिने बताए । उनले भने, 'योजना सम्‍पन्न भएको साढे आठ वर्षमा सबै ऋण चुक्ता गर्ने योजना राखेको जानकारी दिए । तर सकिएन भने पनि १५ वर्षसम्ममा सबै ऋण तिरिसक्छौँ ।' स्थानीय तथा अन्य लगानीकर्ताले गरेको लगानीबाट उठेको मुनाफाबाट ऋण तिर्ने जोशीले जानकारी दिए ।

आयोजना ८० प्रतिशत ऋण र २० प्रतिशत नेपाली लगानीकर्ताबाट उठेको रकमबाट आयोजना सम्पन्न गर्ने लक्ष्य रहेको जोशीले जानकारी दिए ।   नेपालमा पहिलोपटक लगानी गर्न आएको क्यानेडियन कम्पनीहरुले नेपालमा लगानीको सुरुवात मात्रै भएको बताए ।

अन्य क्षेत्रमा पनि यसैगरि लगानी बढाउँदै जाने उनीहरुले जानकारी दिए । सेज ग्लोबल क्यानडाका अध्यक्ष तथा प्रमुख कार्यकारी इन्भर सेजले नेपालमा लगानी गर्नु सुखद भएको बताए । उनले भने, 'नेपालमा लगानी गरेको यो सुरुवात मात्रै पनि होइन र अन्त्य पनि होइन । अरु क्षेत्रमा पनि लगानी गर्दै जानेछौँ ।'

क्यानेडियन तीन कम्पनीले विभिन्न देशमा भौतिक संरचना निर्माण, स्वास्थ्य, शिक्षा लगायतका विभिन्न क्षेत्रमा लगानी गर्दै आएका छन् । नेपालमा लगानीको धेरै सम्भावना भएकोले  नेपाललाई लगानीको नयाँ गन्तव्यको रुपमा छनौट गरेको ग्लोबल फिनान्सियल क्यानडाका अध्यक्ष साम बाउजीले बताए ।

उनले भने, 'हामीले धेरै देशमा लगानी गरेका छौँ । अनुभव र कामको दक्षतालाई नेपालमा प्रयोग गरौँ भनेर अगाडि बढेका हौँ । नेपालमा राम्रो काम हुनुपर्‍यो हामी जुनसुकै क्षेत्रमा लगानी गर्न तयार छौँ, सहकार्य गर्न तयार छौँ, उनले भने ।

अहिलेसम्म लगानी नजुटेको भन्दै धेरैले यो आयोजना अन्योल र असम्‍भव देखिएको बताउँदै आएका थिए । तर ऋण सम्झौतामा हस्ताक्षर भएपछि आयोजना बन्नेमा आफूहरु शतप्रतिशत विश्वस्त भएको जोशीले बताए । उनले भने, 'अब आयोजना नबन्ने प्रश्न नै आउँदैन । यो सम्झौतासँगै आयोजना सुरु भयो भने पनि हुन्छ ।'  

आयोजनाको काम तीन महिनाभित्र सुरु गर्ने जोशीले जानकारी दिए । उनका अनुसार सम्झौतापछि सरकारी कागजात तयार पार्न, वातावरणीय प्रभाव मूल्यांकन (इआइए) लगायतका काम सल्टाउन तीन महिना लाग्ने र त्यसपछि काम नै सुरु गर्ने योजना छ,  उनले भने  । हामी तीन महिनाभित्र कागजी काम सकाएर ६ महिनापछि काम नै सुरु गर्छौं ।

काम सुरु गरेको तीन वर्ष भित्र आयोजना पुरा हुने दाबी जोशीले गरेका छन् । काममा सरकार, स्थानीय र सबै नेपालीको साथ पाइएकोले काममा कुनै अवरोध हुनेछैन, ' उनले भने, 'यसरी सरासर काम गर्दा तीन वर्षमा हामी काम सक्छौँ । त्यसपछि सबैले यो बाटो प्रयोग गर्न सक्छन् ।'

काठमाडौंबाट कुलेखानी हुँदै हेटौडा निकाल्न लागिएको सुरुङ मार्ग ५८ किलोमिटर लामो छ । यो मार्ग प्रयोग गरेर हेटौडा पुग्न प्रतिकिलोमिटर ६० किलोमिटर प्रतिघण्टाको दरले सावारीसाधन चलाए मात्रै पनि एक घण्टा भन्दा बढी समय लाग्दैन । अहिले काठमाडौंबाट हेटौडा पुग्न तीनदेखि सात घण्टासम्म लाग्छ ।

Share this Story

   

काठमाडौं-हेटौडा सुरुङ मार्गलार्इ तीन क्यानेडियन कम्पनीको २७ अर्ब ऋण, तीन महिनामा निर्माण सुरु को लागी ९ प्रतिक्रिया(हरु)

Raju Baskota[ 2014-10-12 07:10:36 ]
Great Job in the History of Nepal. Go a head. All the Best.

   हालसम्म २१८ जनाले यो प्रतिक्रिया मन पराउनु भयो ।


Samir bista[ 2014-08-25 09:28:59 ]
Good News for my country.Best of luck!

   हालसम्म २४१ जनाले यो प्रतिक्रिया मन पराउनु भयो ।


Ashish[ 2014-08-25 03:32:52 ]
To enhance the country in positive economy, first things is to develop the transportation, after that whether it is tourism or hydroelectricity it will gradually goes up.. great starting. Pray that it will not like of Melamchi Project.

   हालसम्म २५३ जनाले यो प्रतिक्रिया मन पराउनु भयो ।


pramod kumar devkota[ 2014-08-25 02:11:40 ]
good news for country

   हालसम्म २५६ जनाले यो प्रतिक्रिया मन पराउनु भयो ।


A.R. MAHARJAN[ 2014-08-24 10:26:39 ]
bikash sano soch ra alpa mihinat le garna sakdaina bikashit desh haru ma thulthula bato bani sakeka chhan ti desha ko paryawaran ko gungan matra gari afnai desh bananuna kammar kaseka saput haru lai nirasha parne kura nagari dinuss...!HARIBOL JEE..?

   हालसम्म २६६ जनाले यो प्रतिक्रिया मन पराउनु भयो ।


हरिबोल[ 2014-08-24 11:31:34 ]
सुरुंग मार्ग बनाउन्दा पर्यावरणको ठुलो विनास हुने छ.

   हालसम्म २७५ जनाले यो प्रतिक्रिया मन पराउनु भयो ।


विवेक[ 2014-08-24 11:29:58 ]
35 वर्षमा डलरको भाऊ प्रति डलर रु १२ बाट रु १०० पुगेको छ. झंडै ८३३ प्रतिशतको अवमूल्यन भएको छ. क्यानाडाबाट लीने ऋण शून्य ब्याज दरमा लिए पनि महंगो साबित हुन जाने छ. यसको सट्टा स्थानीय आई.पी.ओ. बाट लगानी र बैंकबाट ऋण लिन उचित हुने छ.

   हालसम्म २८५ जनाले यो प्रतिक्रिया मन पराउनु भयो ।


Prabhu Shrestha[ 2014-08-23 08:42:11 ]
Very good and impressed with this news.Confgratulation..!!

   हालसम्म २६८ जनाले यो प्रतिक्रिया मन पराउनु भयो ।


Muni Raj Upadhyaya[ 2014-08-23 08:33:47 ]
This may be the first great news I heard for the development of community and the country after long long time.
Condratulations!!! Dear Joshi and the team.

   हालसम्म २८४ जनाले यो प्रतिक्रिया मन पराउनु भयो ।


नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.
Ncell