काठमाडौं। समस्याग्रस्त कर्णाली डेभलपमेन्ट बैंकमा ठूला संस्थापक सेयरधनीको संस्थापक र साधारणतर्फको स्वामित्व घटाइएको छ।

नेपाल राष्ट्र बैंकले खटाएको व्यवस्थापन समितिले २५ जना संस्थापक सेयरधनीको सेयर १ प्रतिशतमा झारेको हो। साथै, संस्थापकहरुको साधारण सेयरको हिस्सा पनि घटाइएको छ।

संस्थापकतर्फ २१ लाख ३६ हजार ६० कित्ता सेयरलाई २१ हजार ३६० कित्तामा झारिएको छ। ती संस्थापक‍को साधारणतर्फको १२ हजार ६८४ कित्ता सेयर पनि १२६ कित्तामा झारिएको छ।

संस्थापकतर्फ राजेन्द्र बीर रायको ७ लाख ५३ हजार कित्ता संस्थापक सेयरलाई ७ हजार ५३ कित्तामा झारिएको छ।

निक्षेप हिनामिना र वित्तीय सुशासन कमजोर देखिएपछि राष्ट्र बैंकले २०८२ पुस १० गते कर्णाली डेभलपमेन्ट बैंकलाई समस्याग्रस्त घोषणा गरेको थियो।

समस्याग्रस्त घोषणापछि सम्पत्ति तथा दायित्व मूल्यांकन गर्दा बैंकको सम्पत्तिले दायित्व नखाम्ने देखिएपछि सेयरधनीबाट चुक्ता हुनुपर्ने सेयर पुँजीबापतको रकम अवैधानिक रुपमा चुक्ता भएको देखिएकाले पुनर्संरचना गर्ने क्रममा संस्थापक सेयरधनीको सेयर पुँजी घटाइएको राष्ट्र बैंकले जनाएको छ।

संस्थापकको पुँजी घटाइ कम्पनी रजिष्ट्रार कार्यालयमा अभिलेखिकरणअघि कम्पनी ऐन बमोजिम सुनुवाई हुने भएको छ। आगामी मंसिर ९ गते उच्च अदालत तुलसीपुरमा सुनुवाई हुने भएको हो। राष्ट्र बैंकले कुनै दाबी विरोध भए प्रमाणसहित उपस्थित हुन भनेको छ।

संस्थापक सेयरधनीतर्फको सेयर

साधारण सेयरधनीतर्फको सेयर