काठमाडौं। सरकारले लघुवित्तका ऋणीहरूलाई घर फर्काएको छ।
मानव अधिकार आयोगको कार्यालय बाहिर धर्नामा बसेका लघुवित्त ऋणीलाई शनिबार १४ बुँदे सहमति गरी सरकारले आइतबार साझा बसमार्फत आ-आफ्नो घर फर्काएको हो।
विभिन्न सरकारी निकायका अधिकारीको उपस्थितिमा ३२३ जना ऋणीलाई ८ वटा बसमार्फत बिदाइ गरेको प्रधानमन्त्रीको सचिवालयले जनाएको छ।
ऋणीहरु झापा, मोरङ, सर्लाही, महोत्तरी, सिन्धुली, बारा, पर्सा, नवलपरासी लगायत जिल्लाका हुन्।
