काठमाडौं। भिजिट भिसामा विदेश जाने नेपालीमध्ये अधिकांश स्वदेश फर्किने नगरेको पाइएको छ। भिजिट भिसामा विदेश गएकाहरुमध्ये ७५ प्रतिशत विदेशबाट नफर्किएको पाइएको हो।
महालेखा परीक्षकको कार्यालयको ६३औं वार्षिक प्रतिवेदन अनुसार गत आर्थिक वर्ष १ लाख ४९ हजार ७८९ पुरुष र १ लाख ११ हजार ७६२ महिला गरी २ लाख ६१ हजार ५५१ नेपाली भिजिट भिसामा विदेश भ्रमणमा गएका थिए।
‘भिजिट भिसामा विदेश भ्रमणमा जानेमध्ये महिनाको एक जनाका दरले नमुना छनोट गरी १२ जनाको परीक्षण गरिएकोमा १२ मध्ये ९ जना भ्रमणपश्चात् स्वदेश फर्केको देखिएन,’ प्रतिवेदनमा भनिएको छ।
महालेखाले यसमा नियमन गर्न भनेको छ।
