काठमाडौं। हुन्डाईका लागि नेपालको आधिकारिक विक्रेता लक्ष्मी इन्टरकन्टिनेन्टलले नयाँ वर्ष योजना ल्याएको छ।
योजना अनुसार हुन्डाईको कुनै पनि गाडीको खरिदमा आकर्षक छुट तथा विशेष सुविधाहरु प्राप्त गर्न सकिने कम्पनीले जनाएको छ । यो योजना अन्तर्गत हरेक खरिदमा ग्राहकले कम्तीमा २० हजारदेखि ७८ हजारसम्मको अतिरिक्त छुट पाउन सक्नेछन्।
कम्पनीका अनुसार १५ हजार रुपैयाँ बराबरको लोयल्टी बोनस, एकलाख रुपैयाँसम्मको एक्सचेन्ज बोनस तथा १ वर्षको बीमा सुबिधा प्राप्त गर्न सकिनेछ।
हुन्डाईले आफ्नो सम्पूर्ण गाडीहरुमा ६ वर्षको निःशुल्क सर्भिस तथा ३ वर्षको वारेन्टी सुविधा उपलब्ध गराउने कम्पनीले जनाएको छ ।
कम्पनीले देशभर १३ शोरुमहरु तथा १७ सर्भिस सेन्टरमार्फत सेवा दिइरहेको जनाएको छ।
