काठमाडौं। सुनचाँदीको मूल्य स्थिर देखिएको छ। फागुन १६ गते प्रति तोला २२०० रुपैयाँ घटेर १ लाख ६८ हजार १०० रुपैयाँका दरले कारोबार भएको सुनको मूल्य त्यसयता स्थिर भएको हो।
नेपाल सुनचाँदी व्यवसायी महासंघले आइतबार जस्तै सोमबार पनि मूल्यमा कुनै घटबढ नभएको जनाएको छ।
चाँदीको मूल्य पनि शुक्रबार प्रति तोला ३० रुपैयाँ घटेकामा त्यसयता स्थिर छ। चाँदी शुक्रबारदेखि प्रति तोला १९१५ रुपैयाँका दरले किनबेच भइरहेको छ।
