काठमाडौं। विशेष आर्थिक क्षेत्र प्राधिकरणको कार्यकारी निर्देशकमा तीन जनाको नाम सिफारिस भएको छ।
उद्योग, वाणिज्य तथा आपूर्ति मन्त्रालयले सबैभन्दा बढी अंक प्राप्त गरेका आधारमा वर्णानुक्रम अनुसार कृष्ण सिंह बस्नेत, बखतबहादुर शाही र बुद्धकाजी श्रेष्ठको नाम सिफारिस गरेको हो।
प्राधिकरणको कार्यकारी निर्देशकका लागि मन्त्रालयले असार २० गते विज्ञापन गरेकामा ९ जनाले आवेदन दिएका थिए। उनीहरुमध्ये ६ जनाको साउन ३१ र ३ जनाको भदौ १ गते अन्तर्वार्ता लिइएको थियो।
